1 Hambalimbali ha imito ya Babeli baho hatukalile,

tsatulila hatukumbuke Sayuni.

2 Haghati ha imibiki ya isi aila,

tsatukondeka pfinubi pfetu.

3 Kwaapfila awala iwatughoghile na kutughala ako

watubama tuwembile,

iwatudununze watubama tuwadeng'eletse,

walonga, "Twimbileni wila umwe wa Sayuni."

4 Tudahatse ukumwimbila IMNDEWA,

aku twamna isi ya ugheni?

5 Ghwe Yerusalemu, ka nokuswemwa,

leka ghumoko ghwangu ghwa kujilo ghuholole.

6 Na ilulimi lwangu lunanahile uchanya mwa ghumlomo ghwangu,

ka nokusemwa ghweghwe,

ka sikutenda ghweghwe Yerusalemu, uwe chinu chikulu,

na chinu ichinenda nene nideng'elele sideke.

7 Ukumbuke ghwe IMNDEWA,

chawatendile Waedomu,

matsuwa aghala Yerusalemu haighwile,

ukumbuke ghawalongile, Bomoleni,

bomoleni hata ghumsingi ghwake.

8 Ghwe Babeli, yuli habehi na ukuhunyighwa,

kabweba ghendo ayula iyatsokuyitsila ighehile ghaututendele,

9 ayula iyatsowasola iwana wako iwakong'a,

na kuwadughadugha mbambalawe.