1 Imulungu kakwima mna ghumtingano ghwa imilungu.

koihigha imilungu itingane hamwe.

2 "Mtsoghendelela kuhigha bila haki

na kuwahighila iwanu iwehile mbaka tsuwachi?

3 Muwalamlile ghoya iwahingwa na iwachuwa,

mtendeleni ihaki imunu yonelighwe na imhingwa.

4 Muwakombole iwanu iwali nyondenyonde na iwalihela chinu,

wakomboleni kulawa mna ghamoko gha iwanu iwehile."

5 Lekeni wawo ng'awomanya baye, wala ng'awotanga baye,

wakwanga mna ichisi, imisingi yose ya iduniya yohighisika.

6 Nene nilonga, "Mwemwe mwa milungu,

na mwemwe mwose mwa iwana wa Iyali kuchanya Ng'ani.

7 Lekeni hata apfo, mtsakufa ka pfaili kwa iwanu wose,

na mtsakughwa ka pfayakughwa mkulu wowose ayula."

8 Winike, Ghwe Imulungu, uihighe isi,

kwaapfila iwanu iwali mna tsiisi tsose wakwako ghweghwe.