Salmos 47

Mlungu, Mfalumi gwa pasipanu poseri

1 Mwenga wantu woseri mkomi mapopu, mumzyumi Mlungu kwa kufyapira!

2 Mana Mtuwa Mlungu, Mlungu Mkulu, katiliziya,

toziya yomberi ndo Mfalumi mkulu gwa pasipanu poseri.

3 Katutenda kuwakanka wantu wa maisi gamonga,

katutenda tukolimlima isi zimonga.

4 Katusyagulira isi ayi iweri uhala wetu,

isi yakalitumbira Yakobu yakamfira.

5 Mtuwa Mlungu kakwena mushiti shakuyi sha ukulu pakafyapilirwa,

Mtuwa kagenda mushiti shakuyi sha ukolamlim a pakagomberwa lipenka.

6 Mumwimbiri Mlungu zyuma, mumwimbiri!

Mumwimbiri mfalumi gwetu zyuma mumwimbiri!

7 Toziya yomberi ndo mfalumi gwa pasipanu poseri,

mumwimbili lwimbu lwa zyuma,

8 Mlungu kagakolamlima maisi goseri,

kakala mushiti shakuyi sha ukulu shinanagala.

9 Walongoziya wa maisi gamonga wankujojonika,

pamuhera na wantu wa Mlungu gwa Abrahamu,

toziya yomberi kanamakakala kuliku wakulu wa pasipanu poseri,

yomberi kakwiswa nentu.