Salmos 19

Ukulu wa Imulungu mna ukuumba

1 Kulanga kotangatsa utunitso wa Imulungu,

na lilanga lyopeta isang’ano ya ghamoko ghake,

2 imisi imwe mbaka imisi ingi,

tsakonesa ukumanya chilo chimwe mbaka chilo ichikutsa.

3 Kuduhu malonga, wala lugha,

na litsi lyao ng’alihulikika baye,

4 lekeni imbuli yawo yenela mna isi yose,

na ghamalonga ghawo ghapfika kwaitsighila isi,

kuko kulanga kalikila hema litsuwa.

5 Nalyo lyolawa kama immale iyokwela pfayolawa kuchumba kwake,

lyodeng’elela kulonga munu mmale yana ngupfu iyowinza inzila yake.

6 Lyolawa kulawa ubali umwe wa kulanga,

lyotsunguluka mbaka ubali ungi,

na kuduhu chinu chochose ichidaha ukuhepa ukusoma kwake.

Ghamalaghitso gha Imulungu

7 Ghamalangulitso gha IMNDEWA ghenelela,

ghomwing’a imunu ugima,

imiko ya IMNDEWA yotogholeka,

yomwing’a hekima imunu ayula iyalihela nayo.

8 Imilongotso ya IMNDEWA inogha ghendo,

yotenda ghumoyo ghudeng’elele,

na laghitso lya IMNDEWA lyomeletseka,

lyomwemwesela tsinenge.